Ford ընկերությունը հայտարարել է նորացված Mondeo ավտոմեքենայի շարժիչների շարքի ընդլայնման մասին` EcoBoost տեսակի 160-ուժանոց բենզինային շարժիչի հաշվին` 1,6 լիտր ծավալով: Նշենք, որ մինչ այդ ավտոմեքենան առաջարկվում էր 2-լիտրանոց EcoBoost-երով` 200 եւ 240 ձիաուժ հզորությամբ:
Արտադրողի տվյալներով, զրոյից մինչեւ 100 կմ/ժ արագություն նոր շարժիչով Ford Mondeo-ն զարգացնում է 9,3 վայրկյանում եւ հասնում է 215 կմ/ժ առավելագույն արագության: Վառելիքի ծախսը խառը ցիկլում կազմում է 6,8 լիտր 100 կմ վազքին: CO2 արտանետումների մակարդակը հավասար է 158 գրամի մեկ կիլոմետրի համար: Այսպիսով, այս ագրեգատը ոչ միայն 10 տոկոսով հզոր է հին երկլիտրանոց մթնոլորտային շարժիչից, այլեւ ավելի տնտեսող է:
Like
OK
