Mеrcedes-Benz ընկերությունը պաշտոնապես ներկայացրել է կուպեաձեւ CLS սեդանի` CLS 63 AMG-ի “ուժեղացված” մոդիֆիկացիան: Այս ավտոմեքենան ունի նոր 5,5-լիտրանոց V8 շարժիչ կրկնակի տուրբոմղիչով, որը զարգացնում է 520 ձիաուժ բազային տարբերակում, եւ 550 ձիաուժ` AMG Performance Pack օպցիոնալ փաթեթով:
Տրանսմիսիան` յոթ աստիճան ավտոմատ AGM Speedshift MCT առանց հիդրոտրանսֆորմատորի, որը թույլ է տալիս բավականին խոշոր սեդանին զրոյից մինչեւ 100 կմ/ժ արագությունը զարգացնել 4,4 վայրկյանում (AMG Performance Pack-ի հետ` 4,3 վայրկյանում) եւ հասնել 300 կմ/ժ առավելագույն արագության (թոփային տարբերակում, սահմանափակված է էլեկտրոնիկայով):
Mercedes-Benz CLS 63 AMG-ը ստացել է նաեւ արդիականացված դիմային կախոց E-Class AMG, ինչպես նաեւ հարմարացվող ամորտիզատորներ կարգավորվող կոշտությամբ: Գումարած, վարորդը կարող է ընտրել կայունացման համակարգի կարգավորման եւ տրանսմիսիայի փոփոխման արագության երեք տարբերակների միջեւ: Արգելակային մեխանիզմները` 355 միլիմետրանոց դիսկերով բոլոր անիվների վրա:
Արտաքինից CLS 63 AMG տարբերակը կարելի է տարբերել թափքի ավելի ագրեսիվ էլեմենտներով եւ 19-դյույմանի անիվային դիսկերով` առջեւի եւ ետեւի տարբեր լայնության անվադողերով:
Ամենաարագ Mercedes-Benz CLS-ն ԱՄՆ-ում վաճառքի կհանվի հաջորդ տարվա ամռանը, իսկ Եվրոպայում հնարավոր է, ավելի շուտ:
Like
OK
