Լոս Անջելեսի ավտոսրահում կայացավ բոլորովին նոր սեդանի` Chrysler 200-ի համաշխարհային պրեմիերան, որը փոխարինեց Sebring-ին: Այն դարձավ ամերիկյան ընկերության առաջին մոդելը, որը թողարկվեց ռեստրուկտուրիզացիայի ծրագրի շրջանակներում, եւ միաժամանակ Chrysler-ի առաջին քայլը D-սեգմենտ, որտեղ ընկերությունը դեռեւս ներկայացված չէ: Սկզբից Chrysler 200-ը պատրաստվելու է բացառապես ամերիկյան բաղադրամասերից. բազային կոմպլեկտացիան կունենա 4-մխոցանի շարժիչ` 173 ձիաուժ հզորությամբ, իսկ ավելի ուժեղ կոմպլեկտացիան` 3,6-լիտրանոց V6 Pentastar: Հաջորդ տարի Fiat-ի հետ համագործակցության շրջանակներում կսկսվի Chrysler 200-ի կոմպլեկտավորումը իտալական տրանսմիսիաներով` 2-դիսկանոց համակցումներով: ԱՄՆ-ում նոր սեդանի վաճառքները կսկսվեն դեկտեմբերին: Գինը` սկսած 19 995 դոլարից:
Հիշեցնենք, որ Chrysler-ը հույսեր է կապում չորս նոր մոդելների հետ. բացի 200 սեդանից, դրանք են նորացված Town & Country մինիվենը, որը նույնպես մեկնարկել է Լոս Անջելեսում: 2011 թվականի մարտին վաճառքում կհայտնվեն ետեւի քարշակային Chrysler 300 սեդանը, իսկ տաք սեզոնի սկզբին` կաբրիոլետ 200-ի բազայի վրա:
Like
OK
