Լոս Անջելեսի ավտոսրահում գերմանական ավտոարտադրող Porsche-ն կցուցադրի Cayman կուպեի ամենահզոր տարբերակը: Սուպերավտոմեքենան ստացել է R նախածանցը եւ դարձել է ավելի թեթեւ եւ հզոր: Թեթեւքաշային նյութերի եւ այլ խորամանկությունների շնորհիվ ավտոմեքենան 55 կգ-ով ավելի թեթեւ է Cayman S-ից: Ավտոմեքենան թողել են առանց կոնդիցիոների եւ ստերեոհամակարգի, ինչպես նաեւ տեղադրել են սպորտային «շերեփներ» ածխապլաստիկից: Կուպեն կոմպլեկտավորել են 19-դյույմանի անիվային դիսկերով թեթեւ ձուլվածքներից, ինչպես Boxster Spyder-ի մոտ, եւ ավելի թեթեւ դռան պանելներով, որոնք փոխառել են 911 GT3 RS-ից:
Լրամշակումից հետո Cayman S-ի վրա տեղադրվող 3,4 լ ծավալով շարժիչը դարձել է 10 ձիաուժով ավելի հզոր. այժմ նրա հզորությունը կազմում է 325 ձիաուժ: Պտտեցնող պահը, միեւնույն ժամանակ, մնացել է նույն մակարդակի վրա` 370 Նմ: Տեղից մինչեւ 100 կմ/ժ Cayman R-ը մեխանիկայով զարգացնում է 0,2 վրկ ավելի արագ, քան Cayman S, այսինքն, ընդամենը 5 վայրկյանում: Սպորտային ավտոմեքենայի առավելագույն հզորությունը ավելացել է 277-ից մինչեւ 282 կմ/ժ: Յոթ աստիճան փոխանցման տուփով PDK-ն մինչեւ 100 կմ/ժ արագություն է զարգացնում 4,7 վայրկյանում, իսկ առավելագույն հզորությունը հավասար է 280 կմ/ժ:
Մեքենայի կախոցը իջեցվել է 20 մմ-ով, իսկ բեռնախցիկը փոքրացել է 54 լիտրով:
Porsche Cayman R-ի վաճառքները կմեկնարկեն 2011 թվականի փետրվարին Մեծ Բրիտանիայում: Ավտոմեքենայի արժեքը կսկվի 61 հազ. եվրոյից (ներառյալ 20%-անոց հարկը) մեխանիկական փոխանցման տուփով տարբերակի համար, այսինքն, գրեթե 6 հազար եվրոյով ավելի թանկ, քան Cayman S-ը: PDK-ով սպորտկուպե տարբերակի համար բրիտանացի գնորդները կվճարեն 63 հազ. եվրո
Like
OK
