Կորեական KIA Motors ընկերությունը Լոս Անջելեսի ավտոսրահում ներկայացրել է հիբրիդային Optima սեդանը: Այս մոդելը ստեղծվել է Kia-ի նոր դիզայներական հայեցակարգին համապատասխան: Հիբրիդն ունի նորարարական ուժային համակարգ, որն ապահովում է իր դասում վառելիքի ծախսի ամենալավ ցուցանիշը` 5,9 լ 100 կմ վազքի դեպքում:.
Optima Hybrid 2011-ը, որի վաճառքները կսկսվեն ԱՄՆ-ում հաջորդ տարվա սկզբին, ունի “լիովին զուգահեռ հիբրիդային համակարգ”, որն ավտոմեքենային թույլ է տալիս զրոյից մինչեւ 100 կմ/ժ արագություն զարգացնել 9,2 վայրկյանում, ինչպես նաեւ 195 կմ/ժ առավելագույն արագություն:
KIA Optima Hybrid-ի կապոտի տակ տեղադրված է բենզինային շարժիչ` 2,4 լիտր ծավալով` համակցված ոչ մեծ էլեկտրաշարժիչով: Փոփոխումը առջեւի անիվներին տեղի է ունենում վեց աստիճան ավտոմատ տրանսմիսիայի միջոցով, որտեղ չկա պտտեցման պահի ավանդական փոխակերպիչ: Optima Hybrid-ը կարող է տեղաշարժվել բացառապես էլեկտրականության շնորհիվ: Ընդ որում, սեդանը կարող է զարգացնել մինչեւ 100 կմ/ժ արագություն:
Like
OK
