Արեւային եւ հարուստ Կալիֆոռնիայում անցկացվող ավտոսրահին BMW ներկայացրել է իր ամենաթանկարժեք կաբրիոլետը` 2012 թվականի մոդելային շարքի նոր սերիական BMW 650i Convertible-ը (այսինքն, ԱՄՆ շուկայում եւ ողջ աշխարհում կհայտնվի 2011 թվականին): Ավտոսրահում ներկայացված ավտոմեքենան դեռեւս կոչվում է կոնցեպտ, սակայն իրականում այն արդեն արտադրությանը պատրաստ ավտոմեքենա է կոնցեպտի տեսքով, իսկ նրա արտադրության մեկնարկը ապագայի գործ է: Նախորդողի հետ համեմատությամբ, նորացված կաբրիոլետը 7,5 սանտիմետրով ավելի երկար է դարձել եւ 4 սանտիմետրով լայն: Նրա գերթեթեւ կտորային առաստաղը բարձրանում է 19 եւ իջնում է 24 վայրկյանում: Առաստաղի ծալման մեխանիզմը կարելի է ակտիվացնել ինչպես ավտոմեքենայի անշարժ վիճակում, այնպես էլ մինչեւ 40 կմ/ժ արագությամբ ընթանալիս:
BMW 650i Convertible-ի կապոտի տակ տեղադրված է 4,4 լիտրանոց V8 շարժիչ` վառելիքի անմիջական մղմամբ: Այս շարժիչը զարգացնում է առավելագույն 400 ձիաուժ հզորություն: Մեքենան կարող է ունենալ ավանդական 6-աստիճան մեխանիկական փոխանցման տուփ կամ նորագույն 8-աստիճան ավտոմատ: Ապագայում կհայտնվեն նաեւ տարբերակներ այլ ագրեգատներով:
Like
OK
