Գերմանացի ավտոլրագրող Հորսթ վոն Սաուրմի կողմից կառավարվող Audi R8 GT սուպերավտոմեքենան Նյուրբուրգրինգի շրջանն անցել է 7 րոպե 34 բայրկյանում, հաղորդում է Audiblog կայքը` վկայակոչելով Sport Auto ամսագիրը, որն անցկացրել է այդ փորձարկումը եւ դրա մասին զեկույց կհրապարակի դեկտեմբեր ամսվա համարում: Ավտոմեքենան 1 վայրկյանով զիջեց Porsche 911 GT3 RS թրեքային սուպերավտոմեքենային եւ ընդամենը 4 տանսորդական վայրկյանով` 817-ուժանոց Koenigsegg CCX-ին:
GT մոդիֆիկացիան համալրվում է մինչեւ 560 ձիաուժ հզորացված 10-մխոացնի շարժիչով` 5,2 լիտր ծավալով եւ 6-աստիճան ռոբոտացված Tronic փոխանցման տուփով: Ավտոմեքենայի մասսան ստանդարտ Audi R8-ի հետ համենատությամբ կրճատվել է 100 կիլոգրամով (մինչեւ 1525 կիլոգրամ): Այն ունի նաեւ իջեցված կախոց, ավելի հզոր արգելակներ` կարբոն-կերամիկական դիսկերով եւ կայունացման վերակարգավորված համակարգ: Արտադրողի տվյալներով, զրոյից մինչեւ 100 կմ/ժ արագություն մեքենան զարգացնում է 3,6 վայրկյանում, իսկ նրա առավելագույն արագությունը կազմում է ժամում 320 կմ:
Ընդամենը կթողարկվի Audi R8 GT-ի 333 օրինակ: Սուպերավտոմեքենայի գինը կսկսվի 188,5 հազար եվրոյից:
Like
OK
