Դժվար թե հայտնվի մեկը, ում կթվա, որ Mercedes-Benz SLS AMG ռոդսթերը բավական լավը չէ, սակայն Brabus թյունինգային ատելյեն գտավ, թե որտեղ կարելի է թերություն գտնել: Մոդելի բնութագրերի մանրամասն ուսումնասիրումից հետո, մակնիշի վարպետները ռոդսթերում տեղադրել են սփլիթեր եւ դիֆֆուզոր: Ավտոմեքենայի ետեւի կամարները լայնացվել են: Բեռնախցիկի փականի վրա ավելացել են սփոյլեր, իսկ դիմացի բամպերի օդատարներն ավելի մեծ են դարձել:
Հատուկ Mercedes-Benz SLS AMG-ի համար Brabus-ը, համագործակցելով Bilstein ընկերության վարպետների հետ, մշակել է հատուկ կարգավորվող կախոց: Արդյունքում ռոդսթերը 30 մմ-ով ավելի ցածր է դարձել: Կախոցի բարձրությունը կարելի է կարգավորել կոճակով: Ավտոմեքենայի վրա կարելի է տեղադրել ավելի կոշտ ամորտիզատորներ: Սուպերավտոմեքենան ստացել է գերթեթեւ ձուլված անիվային դիսկեր` Monoblock F Platinum Edition 20 դիամետրով (առջեւում) եւ 21 դյույմ (ետեւում) Yokohama անվադողերով` 275/30 ZR20 եւ 295/25 ZR21 չափերի:
SLS AMG-ի շարժիչը մնացել է առանց փոփոխությունների. ավտոմեքենայի կապոտի տակ տեղադրված է նույն V8 շարժիչը` 6,2 լ. ծավալով, սակայն արտանետման տիտանային համակարգը, որը 12 կգ-ով թեթեւ է գործարանայինից, թույլ է տվել 10 ձիաուժով թեթեւացնել հզորությունը` մինչեւ 581 ձիաուժ:
Սուպերավտոմեքենայի սրահը կարող է մշակվել կարբոնով եւ ալկանտարոյով` ըստ հաճախորդի ցանկության: Widestar SLS անվանումը ստացած թյունինգային ավտոմեքենայի գինը դեռեւս չի հաղորդվում:
Like
OK
