Infiniti ընկերությունը քննարկում է իր «ուժեղացված» ավտոմեքենաների վրա AMG ատելյեի շարժիչների տեղադրման հնարավորությունը, որոնցից ճապոնական ավտոարտադրողը կարող է օգտվել Renault-Nissan դաշինքի եւ Daimler կոնցերնի համագործակցության շրջանակներում: Այս մասին հաղորդում է Autocar-ը` վկայակոչելով սեփական աղբյուրները:
Ներկայումս Nissan ընկերությունն ուսումնասիրում է սեփական թյունինգային շարքի` Infiniti Performace Line (IPL)-ի զարգացման տարբերակները, որը, բրենդի ղեկավարության մտահղացմամբ, ապագայում պետք է դառնա Mercedes-Benz մակնիշի AMG սերիայի ավտոմեքենաների կամ BMW «M» տարբերակների անալոգը: Այս շարքի ընդլայնման գաղափարների թվում են ոչ միայն թափքի սթայլինգը, այլեւ «տաք» մոդիֆիկացիաների ստեղծումը: Օրինակ, Infiniti M-ը կարող է ստանալ 6,2-լիտրանոց AMG «ութնյակ», որը թույլ կտա մոդելին մրցակցել Jaguar XFR-ի հետ:
Առաջին մոդելը, որը ստացել է IPL շարքի թյունինգային աքսեսուարները, դարձել է Infiniti G37 կուպեն: Բացի թափքի հատուկ ձեւից, ավտոմեքենայի ետեւի առանցքի վրա տեղադրել են ուժեղացված հպման ինքնաարգելափակվող դիֆֆերենցիալ: Ավտոմեքենան ստացել է նաեւ ավելի կոշտ ամորտիզատորների եւ զսպանակներ: Ավտոմեքենայի ղեկային կառավարումը վերակարգավորվել է, իսկ 3,7-լիտրանոց V6 շարժիչի հզորությունը ավելացել է 20 ձիաուժով` մինչեւ 352 ձիաուժ:
Նմանատիպ լրամշակումներ է ստացել նաեւ երկրորդ ավտոմեքենան IPL սերիայից` Infiniti G կաբրիոլետը: Այս ավտոմեքենայի պրեմիերան կայացել է ընթացիկ տարվա սեպտեմբերին Փարիզի մոտրշոուին:
Like
OK
