2008 թվականին Փարիզի ավտոսրահում մեկնարկած Lamborghini Estoque կոնցեպտը, ամենայն հավանականությամբ, կունենա իր սերիական տարբերակը: Այս մասին բրիտանական Autocar ամսագրին պատմել է Lamborghini-ի գլխավոր գործադիր տնօրեն եւ տնօրենների խորհրդի նախագահ Ստեֆան Վինկելմանը: “Ստեղծելով այդ կոնցեպտը, մենք ուզում ենք ցույց տալ, որ մեր հետաքրքրությունները չեն սահմանափակվում սուպերավտոմեքենաների դասով, - ասել է նա, - Եվ դա աշխատեց. արձագանքները Estoque-ին ավելի ակտիվ էին, քան մենք ենթադրում էինք: Նույնիսկ հիմա մարդիկ շարունակում են նամակներ գրել ինձ` այդ ավտոմեքենայի արտադրությունը սկսելու խնդրանքով”:
Հիշեցնենք, որ Estoque-ն իրոք դասվում է “բյուջետային” հատվածին, եթե այդ խոսքը կիրառելի է Lamborghini-ին: Չորսդռնանի լիաքարշակ սեդանը, որը կունենա 5,2-լիտրանոց V10 շարժիչ, կվաճառվի մոտ 230 000 դոլարով:
Դրա հետ միաժամանակ, Ս.Վինկելմանը հերքեց Lamborghini-ի շարք ամենագնացի վերադառնալու մասին լուրերը: “Իմ տեսակետից դա անհնար է: Դա կլինի ոչ լյուքսային ավտոմեքենա, ոչ էլ ամենագնաց”:
Like
OK
