General Motors ամերիկյան կոնցերնը որոշել է վերանվանել Chevrolet Aveo սուբկոմպակտ սեդանը: Պաշտոնապես նոր անվանումը դեռեւս չի հայտարարվել, սակայն աղբյուրները հայտնում են, որ ավտոմեքենայի հաջորդ սերունդը, որը կթողարկվի 2011 թվականին, կկրի Sonic անունը: Հիշեցնենք, որ Chevrolet Aveo-ի ներկայիս սերունդը վաճառվում է 2004 թվականից: General Motors-ի մարքեթինգի բաժնի նոր ղեկավարի կարծիքով, այս տարիների ընթացքում Aveo-ն կորցրել է իր հմայքը: Սակայն նա գտնում է, որ նոր անվանումը թույլ կտա սեդանին վերադարձնել երբեմնի հաջողությունը:
Ունեցած տվյալներով, General Motors-ը գրանցել է Chevrolet Sonic ապրանքանիշը դեռեւս 2010 թվականի հոկտեմբերի 5-ին: Հիշեցնենք, որ ամերիկյան կոնցերնն արդեն երկու տարի է, ինչ ցանկանցում է փոփոխել մոդելի անվանումը: Ընկերության նախկին գլխավոր մարքեթոլոգը ուզում էր վերանվանել այն Viva-ի: Սակայն կոնցերնի սննկացումից հետո այդ ժամանակ GM-ի փոխնախագահի պաշտոնը զբաղեցնող Բոբ Լուտցը որոշեց թողել Aveo անվանումը:
Chevrolet Aveo-ի վերանվանման մասին պաշտոնական հայտարարությունը կարող է հնչել արդեն հաջորդ ամիս` Դեթրոյտի ավտոսրահի ընթացքում:
Like
OK
