Audi A7-ը դարձել է գաղտնի նախագծի արդյունք

Audi A7-ը լույս աշխարհ է եկել ավտոմեքենաների ստեղծման ժամանակակից բոլոր կանոններին հակառակ: Սովորաբար այս կամ այն դասում ավտոմեքենաների ստեղծման առաջադրանքն իջեցվում է դիզայներների վրա «վերեւից»: Բոլոր նոր մոդելները պատրաստվում են հանուն հաճախորդների եւ «հաշվարկվում» են ընկերության մարքեթոլոգների կողմից: Audi A7-ի պատմությունը բոլորովին այլ է: 

A7-ի ստեղծման գաղափարի հեղինակը Վալտեր դե Սիլվան է, որն այժմ VW Group-ի դիզայներական բաժնի ղեկավարն է: Նա ցանկանում էր որպես հիմք վերցնել Audi 100 S Coupе եւ ստեղծել ավտոմեքենա` իդեալական մաքուր գծերով: 

10 դիզայներների, Շտեֆան Զիլաֆի քողի ներքո, հաջողվեց կենսագործել իրենց երազանքը. ստեղծել gran turismo դասի ավտոմեքենա` 4-դռնանի կուպեի ձեւաչափով: Ինքը Շտեֆան Զիլաֆը` Audi Design-ի ղեկավարը, պատմելով Audi A7 Sportback-ի հայտնվելու մասին, վերաբերվում է նրան որպես գաղտնի նախագծի: Այս նախագծում ամենահետաքրքիրն այն էր, որ ընկերությունը պատվեր չի ձեւակերպել մոդելի ստեղծման համար: Չկային ինժեներներ, որոնք պատրաստել էին տեխնիկական առաջադրանքը, չկար նաեւ շուկայում նախատեսվող դիրքավորման մասին մտադրությունը: Audi A7-ը ստեղծվում էր առանց վերեւից եկած հրահանգի եւ առանց տեխնիկական առաջադրանքի: Հիմքում չկար ոչինչ: Ոչինչ, բացի Դե Սիլվայի գծերից: 

«Մեր առջեւ կանգնած էր Audi Coupé 1960-ականներից, եւ խենթացնում էր մեզ: Ապակիների դինամիկ գիծը, թափքի կտրված ետեւի մասը: Ուրվագծի աշխատանքները շատ արագ ավարտեցինք, - ասում է Զիլաֆը, - Մենք փորձարկումներ էին անում` փնտրելով իդեալական համամասնությունները, եւ հետո հանկարծ ամեն ինչ հայտնվեց իրենց տեղում. կերպարն ավարտված էր»: Audi A7 Sportback-ը շատ արագ հայտնվեց թղթի վրա` ծնվելով գաղափարից եւ սովորական էսքիզից: Ինտերյերի դիզայներները շարունակեցին Դե Սիլվայի, Զիլաֆի աշխատանքները: Սրահն ընդգծված սպորտային ստացվեց, էլեգանտ եւ նախատեսում էր հարմարավետության այն մակարդակը, որը հատուկ է gran turismo դասի ավտոմեքենաներին: 

Շտեֆան Զիլաֆը եկավ ղեկավարության մոտ պատրաստի նախագծով. «մենք այնքան համոզված էինք մեր կողմից ստեղծված նախագծում, որ որոշեցինք վա-բանկ գնալ: Մենք եկանք Տնօրենների խորհրդի գրասենյակ առանց նախնական պայմանավորվածության եւ պատրաստի կոնցեպտով»:

Նախագիծը հասավ նշակետին: Տնօրենների խորհուրդը հիացած էր, եւ որոշեց ետ կանգնել սովորական կանոններից: Գլխավորը այս նախագծում դիզայներների գաղափարն էր: Կոնստրուկտորները հայեցակարգեր էին մշակում հիմնվելով հենց այդ գաղափարի վրա, իսկ արտադրության մասնագետները ստուգում էին դրանց իրատեսությունը: «Առաջին էսքիզը գործնականում անփոփոխ մնաց մշակման ողջ ընթացքում, - պատմում է Զիլաֆը, - մենք գրեթե չենք դիպչել սկզբնական հայեցակարգին»:

Այս պատմությունը տեղի է ունեցել 4 տարի առաջ, երբ դեռ չէր գործարկվել ոչ Audi A5 Coupе-ի, եւ ոչ էլ Audi A5 Sportback-ի արտադրությունը, որոնք հայտնվեցին համապատասխանաբար 2007 եւ 2009 թվականներին: Audi A7 դիզայներական ավտոմեքենան հոսքագծին հայտնվեց միայն 2010-ին: 

Ի դեպ, սա առաջին Audi-ն չէ, որ ծնվել է դիզայներական ցեխում, եւ ոչ թե մարքեթոլոգների սառը հաշվարկների արդյունքում: 90-ական թվականներին դիզայները դարձան այդ ժամանակի համար շատ էքստրավագանտ կուպեի` առաջին Audi TT-ի գաղափարական ստեղծողները: 1994 թվականին ավտոմեքենան նկարեցին VW-ի կալիֆոռնիական դիզայն-ցեխում, իսկ արտադրությունում ավտոմեքենան հայտնվեց չորս տարի անց: Այդ ժամանակ Audi TT-ի ստեղծողների թվում էր նաեւ դիզայներ Պիտեր Շրեյերը, որն այժմ KIA ընկերության գլխավոր դիզայներն է եւ կորեական ընկերության նոր ոճի “հայրը”: