Դեթրոյտի ավտոսրահը մտնում է աշխարհի ավտոսրահների մեծ հնգյակի մեջ եւ հանդիսանում է ավտոմոբիլային նորությների ամենախոշոր եւ նշանակալի ցուցահանդեսը Հարավային Ամերիկայում: 2011 թվականի հունվարի 10-ին Դեթրոյտի ավտոսրահը կրկին կբացի իր դռները:
2011 թվականին Դեթրոյտի ավտոսրահը մտադիր է վերադարձնել իր երբեմնի նշանակությունը ավտոարդյունաբերության համար: Մոտոր-շոուի կազմակերպիչները հայտարարել են, որ Դեթրոյտում ակնկալվում է սերիական ավտոմեքենաների 30-ից 40 պրեմիերաներ: Դեթրոյտի ամենաաղմկոտ իրադարձություններից մեկը կդառնա նորագույն Audi A6 պրեմիում սեդանը, Ամերիկացիներին հարազատ կլինի Chrysler 300-ը, Honda ընկերությունը, որը Հարավային Ամերիկայում արտադրում է ավելի քան միլիոն ավտոմեքենա, կներկայացնի ընկերության համար շատ կարեւոր մոդել` նոր Honda Civic-ը: Ford-ը կցուցադրի նոր ամենագնաց, որը կփոխարինի Escape եւ Kuga մոդելները, իսկ Toyota-ն` Toyota Prius MPV նորույթը: Գերմանական Porsche AG-ը վերադառնում է Դեթրոյտ մի քանի տարվա բացակայությունից հետո, եւ, ինչպես ակնկալվում է, կներկայացնի սուպերավտոմեքենայի նոր կոնցեպտուալ մշակում:
Դեթրոյտի մոտոր-շոուին կմասնակցեն համաշխարհային ավտոշինարարության շատ հսկաներ, որոնց թվում են Lexus, Volkswagen, Mercedes-Benz, Audi, BMW, Fiat եւ այլ ընկերություններ: Այստեղ կգան նույնիսկ Չինաստանից. BYD ընկերությունը կցուցադրի իր էլեկտրոմոբիլը:
Այս տարի Դեթրոյտի ավտոսրահում հավատարմագրված է ԶԼՄ-ների 4536 ներկայացուցիչներ ողջ աշխարհից: Շոուի կազմակերպիչները հայտարարում են, որ ավտոմոբիլային արտադրությունը վերականգնվում է ճգնաժամից հետո եւ ավտոսրահը կցուցադրի, որ 2011-ը ավելի հաջող կլինի ավտոարտադրողների համար, քան ընթացիկ տարին:
Like
OK
