Ավտոսիրողներին արդեն ներկայացվել են Հյուսիսային Ամերիկայի շուկայի համար նորացված 2012 թվականի Mercedes-Benz C-Class-ի լրտեսական լուսանկարները, սակայն այժմ արդեն Carscoop կայքի տրամադրության տակ են հայտնվել նաեւ մոդելի սեդանի եւ ունիվերսալի առաջին պաշտոնական լուսանկարները:
Ինչպես նշվում է կայքում, Mercedes-Benz-ը դեռեւս հանդես չի եկել նորացված ավտոմեքենայի մասին մամլո հաղորդագրությամբ, սակայն լուսանկարներից երեւում է, որ արտաքինից ավտոմեքենան ենթարկվել է ոչ մեծ փոփոխությունների, որոնք հիմնականում վերաբերվում են ավտոմեքենայի դիմային մասին, որը ստացել L-աձեւ լուսարձակներ, վերափոխված բամպեր եւ ավելի ծանր կապոտ: Ավտոմեքենայի ետեւի մասից մատչելի են միայն ունիվերսալի լուսանկարները, որոնցում տեսնում ենք վերափոխված բամպեր եւ LED-լուսարձակներ:
Ինչ վերաբերվում է ինտերյերին, ապա Mercedes-ի նորացված մոդելը ստացել է ֆիքսված (եւ ավելի մեծ) LCD էկրան բոլորովին նոր կենտրոնական կոնսոլի վրա:
Բացի ֆեյսլիֆթինգի ենթարկված սեդանից եւ ունիվերսալից, C-Class-ի շարքին շուտով կավելանա նաեւ երկդռնանի կուպեն:
Like
OK
