2010 թ. դեկտեմբերի 25-ին Chevrolet մակնիշի հայաստանյան պաշտոնական ներկայացուցիչ “Վեկար” ընկերությունը կազմակերպել էր “Շեւրոլեի Տոն” Հալաբյան 18 հասցեում գտնվող իր ավտոսրահում: Այս միջոցառման անցկացման նպատակը ոչ միայն ամերիկյան հանրահայտ մակնիշի դիրքերի ամրապնդումն էր Հայաստանի շուկայում, այլեւ ընկերության հաճախորդների հետ գալիք Ամանորն ու Սուրբ Ծնունդը նշելը:
Համատեղելով օգտակարը հաճելիի հետ` “Վեկար” ընկերությունը այդ օրը հատուկ գներ էր հաստատել Chevrolet մակնիշի ավտոմեքենաների ողջ տեսականու համար, ինչպես նաեւ յուրաքանչյուր հաճախորդի զարմացնում էր բազում անակնկալներով ու նվերներով, որոնք առնչվում էին թե ավտոմեքենաների ապրանքանիշի, թե տոների հետ:
Սրահին տոնական մթնոլորտ էին հաղորթում ոչ միյան ամանորյա զարդարանքը, այլեւ Chevrolet բրենդային երաժշտությունն ու հատուկ հյուրասիրությունը, որը կարելի էր վայելել ողջ միջոցառման ընթացքում:
Բոլոր ցանկացողները հնարավորություն ունեին տեղում փորձարկել իրենց նախընտրած ավտոմեքենաները եւ, անկախ անմիջապես գնում կատարելուց, ստանալ զեղչային հատուկ քարտ, որը կարելի կլինի օգտագործել մինչեւ 2011 թ. դեկտեմբերի 25-ը “Վեկար” ընկերությունից Chevrolet ավտոմեքենա ձեռք բերելու համար:
Միջոցառման օրը սրահը աշխատեց մինչեւ 24.00, եւ ամենահետաքրքիրն այն էր, որ վերջին վաճառքը գրանցվեց հենց այդ ժամին: “Վեկար” ընկերությունը մտադիր է շարունակել նման միջոցառումների շարքը` նոր հետաքրքիր անակնկալներ մատուցելով Chevrolet մակնիշի բոլոր սիրահարներին:
Like
OK
