Մեդիամաքս գործակալության Auto.am կայքն արժանացավ Տեղեկատվական տեխնոլոգիաների եւ էլ. բովանդակության հայկական ասոցիացիայի կողմից կազմակերպված e-Content 2010 5-րդ համահայկական մրցույթի 1-ին մրցանակին, ինչպես նաեւ գլխավոր մրցանակի Էլ. բիզնես անվանակարգում: Մրցույթն անցկացվում էր նոյեմբերի 15-ից մինչեւ դեկտեմբերի 27-ը, իսկ մասնակցում էին դրան 320 աշխատանքներ:
Auto.am-ի հաղթանակի մասին հայտարարվեց դեկտեմբերի 30-ին “Մոսկվայի տանը” կազմակերպված e-Content մրցույթի մրցանակաբաշխության ժամանակ: Բացի Auto.am-ից, հաղթող ճանաչվեց նաեւ Մեդիամաքս-ի մեկ այլ նախագիծ` Bravo.am (Հայկական ժամանցի ուղեցույց) կայքը, որը ստեղծվել է 1 տարի առաջ եւ այդ կարճ ժամանակում ձեռք բերել բազմաթիվ երկրպագուներ: Bravo.am-ն ընդգրկվեց այն նախագծերի ցանկում, որոնք արժանացան e-Content-ի գլխավոր մրցանակին, ինչպես նաեւ գլխավոր մրցանակին էլ.ժամանց անվանակարգում: Ի դեպ, թե Auto.am-ը, եւ թե Bravo.am-ը իրավունք ստացան 2011 թվականին մասնակցել էլեկտրոնային բովանդակության համաշխարհային մրցույթին:
Auto.am կայքը հիմնադրվել է 2003 թվականին: Սկսած առաջին իսկ օրերից մենք մշտապես կատարելագործել ենք մեր նախագիծը, եւ այսօր այն հարմարավետ եւ անփոխարինելի գործիք է դարձել ինչպես ավտոսիրողների, այնպես էլ համաշխարհային ավտոբրենդերի հայաստանյան պաշտոնական դիլերների համար, որոնք կարող են մեր կայքի միջոցով տեղեկացնել սպառողներին եւ միմյանց իրենց առաջարկների եւ նորությունների մասին:
E-Content-ում տարած հաղթանակի մասին ուրախալի լուրով մենք ավարտում ենք այս տարին: Մաղթում ենք Ձեզ առողջություն եւ երջանկություն 2011 թվականին, եւ ցանկանում ենք, որ գալիք դուք տարում եւս լինեք մեզ հետ:
ՇՆՈՐՀԱՎՈՐ ԱՆԱՆՈՐ ԵՎ ՍՈՒՐԲ ԾՆՈՒՆԴ
Like
OK
