Պրեմիում դասի գերմանական ավտոարտադրող Audi-ն Դեթրոյտի միջազգային ավտոսրահում ներկայացրել է 2012 թվականի մոդելային շարքի Audi A6 սեդանը: Ավտոմեքենան մշակված է մակնիշի ֆիրմային ոճում. Audi A6-ը ստացել է ետեւի լուսադիոդային լուսարձակներ, կրկնակի արտանետային խողովակ եւ գլխավոր լուսավորման լրացուցիչ լուսարձակներ լուսադիոդներով: S-Line օպցիաների փաթեթը ներառում է մոդիֆիկացված բամպերներ, 19-դյույմանոց անիվային դիսկեր` թեթեւ ձուլվածքներից:
Ավտոմեքենայի սրահն ավելի ընդարձակ է դարձել A6-ի նախորդ տարբերակի համեմատ` մինչեւ 2910 մմ մեծացված անիվային բազայի հաշվին: Այստեղ տեղադրված է Bang&Olufsen աուդիոհամակարգ, MMI մուլտիմեդիական ինտերֆեյս` նավիգացիայով եւ ինտերնետին միանալու հնարավորությամբ:
Նոր սեդանը կոմպլեկտավորվելու է 5 շարժիչներով, որոնցից ամենաարդյունավետը երկլիտրանոց դիզելային ագրեգատն է 179 ձիաուժ հզորությամբ եւ 380 Նմ պտտեցնող պահով: Վառելիքի ծախսը կազմում է 4,9 լ/100 կմ:
Audi A6-ը կունենա նաեւ երեք լիտրանոց դիզել` 206 ձիաուժ հզորությամբ եւ 400 Նմ պտտեցնող պահով: Երրորդ 3-լիտրանոց “դիզելը” զարգացնում է 247 ձիաուժ եւ 500 Նմ պտտեցնող պահ:
Բենզինային շարժիչները ներկայացված են 2,8 լ ծավալով եւ 206 ձիաուժով եւ 3 լիտրանոց 305 ձիաուժով:
Նորույթի վաճառքները կմեկնարկեն արդեն մոտ ժամանակներս: Audi A6-ի արժեքը Գերմանիայում կազմում է 38,5 հազար եվրո:
Like
OK
