ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունը սկսել է իրականացնել ԱՊՊԱ-ի գծով հատուցումների վճարումը:
Ինչպես ՄԵԴԻԱՄԱՔՍ-ին հայտնել են ընկերության մամլո ծառայությունում, առաջին հերթին իրականացվում են համաձայնեցված հայտարարագրով հատուցումները (պարզեցված կարգով), որի դեպքում անհրաժեշտ չէ ներկայացնել լրացուցիչ փաստաթղթեր:
Համաձայնեցված հայտարարագրով վճարվող գումարի առավելագույն չափը կազմում է 200 000 դրամ, նվազագույն վճարված հատուցումը կազմել է 30 000 դրամ:
ԱՊՊԱ Պայմանների համաձայն, համաձայնեցված հայտարարագիրը լրացվում է կողմերի համաձայնության գալու դեպքում եւ ապահովագրական ընկերության նախնական համաձայնության առկայության դեպքում, եթե գույքին պատճառված վնասի չափը չի գերազանցում 200 000 ՀՀ դրամ:
Ընկերության շուրջօրյա ծառայությունը սկսել է գործել հունվարի 1-ի գիշերը: Տարվա սկզբի անցած 11 օրվա ընթացքում սպասարկվել է 814 զանգ (միջինը օրական 74 զանգ), գրանցվել է 234 ապահովագրական պատահար (միջինը օրական 21 ՃՏՊ):
Հայտերի առավելագույն քանակն արձանագրվել է հունվարի 1-ին (35 ՃՏՊ) եւ հունվարի 11-ին (49 ՃՏՊ):
Like
OK
