Արդեն այս տարի Audi-ի մոդելային շարքում կավելանա բոլորովին նոր կոմպակտ ամենագնաց` Q3: Ինչպես հաղորդում է Carscoop-ը, նորույթը կկառուցվի Volkswagen Tiguan-ի պլատֆորմի վրա, իսկ արտաքինը կստանա 2007 թվականի Շանհայի ավտոսրահում ցուցադրված կոնցեպտից: Audi Q3-ը էականորեն ավելի կոմպակտ կլինի մեծ եղբայրներից` Q7-ից եւ Q5-ից, իսկ նրա հիմնական մրցակիցը կլինի BMW X1-ը:
Ոչ պաշտոնական տվյալներով, նոր SUV կունենա երկու բենզինային շարժիչներ` 2,0 լ ծավալով եւ 170 ու 211 ձիաուժ հզորությամբ, ինչպես նաեւ նույն ծավալի 170-ձիաուժանոց դիզելային շարժիչ: Գնորդներին կառաջարկեն 6-աստիճան մեխանիկական փոխանցման տուփ կամ ավտոմատ S-Tronic: Audi Q3-ի պրեմիերան նախատեսված է Ֆրանկֆուրտի ավտոսրահում, որը կանցկացվի այս տարվա աշնանը:
Like
OK
