Porsche ընկերությունը թողարկում է 911 սպորտային ավտոմեքենայի սահմանափակ քանակաություն` հատուկ սեւ գույնի սիրահարների համար: Black Edition անունով ավտոմեքենան կառուցված է ստանդարտ 911 Carrera-ի բազայի վրա եւ առաջարկվում է թափքի գույնի երկու տարբերակով, ընդ որում դրանցից երկուսն էլ, իչնպես երեւում է անվանումից, սեւ են. սեւ “խորը” լաքային եւ փայլուն մետալիկ: Լիովին սեւությունը շարունակվում է նաեւ 19-դյույմանի դիսկերի ձեւավորման մեջ եւ սրահի լրիվ սեւ կաշվով մշակմամբ:
Porsche 911 Black Edition-ն առաջարկվում է 3,6-լիտրանոց 345-ուժանոց 6-մխոցանի շարժիչով, որը համալրվելու է 6-աստիճան մեխանիկական փոխանցման տուփով եւ 7-աստիճան “կիսաավտոմատով”: Ընդամենը թողարկվելու է այս տարբերակի 1911 ավտոմեքենա, որոնցից 30% կգնան ԱՄՆ, իսկ մնացածը համաշխարհային այլ շուկաներ: Միացյալ Նահանգներում լուպե թափքով տարբերակի համար հարկ կլինի վճարել 81 300 դոլար, իսկ կաբրիոլետի համար (կտորից առաստաղով, բնականաբար` սեւ գույնի)` 91 300 դոլար: Վաճառքները կսկսվեն այս գարնանը:
Like
OK
