Գերմանական Volkswagen ավտոարտադրողը ներկայացրել է Touareg ամենագնացի երկու նոր տարբերակներ Քաթարի առաջին ավտոսրահում: Առաջին ավտոմեքենան իրենից ներկայացնում է մրցավազքային Race Touareg 3-ի քաղաքացիական տարբերակը, որը մեկնարկել է “Դակար” ռալլիի ընթացքում հունվարի սկզբին: Այս ավտոմեքենան կունենա 310 ձիաուժ հզորությամբ շարժիչ եւ կարող է երթեւեկել ընդհանուր օգտագործման ճանապարհներին:
Volkswagen Race Touareg 3-ը ստացել է 18-դյույմանի անիվային դիսկեր` BBS-ից, 16-դյույմանոցների փոխարեն: Զրոյից մինչեւ 100 կմ/ժ արագություն ավտոմեքենան զարգացնում է 6 վայրկյան ընթացքում:
Երկրորդ տարբերակը` Touareg Gold Edition-ը, հատկանշական է նրանով, որ ոսկեպատ է: Ավտոմեքենան կունենա 360 ձիաուժ հզորությամբ շարժիչ: Ամենագնացը ստացել է նոր դիզայնով 22-դյույմանի անիվային դիսկեր, ռելինգներ առաստաղի վրա, պաշտպանիչ կողային հենակներ, ապակիների, կողային հայելիների եւ օդամղիչ ցանցի շրջանակում: Ավտոմեքենայի սրահում դետալների մշակման ժամանակ օգտագործվել է 24-կարատանի ոսկի: Գործիքների պանելը կատված է բնական շագանակագույն կաշվով: Ինտերյերում օգտագործվել են նաեւ այնպիսի նյութեր, ինչպիսիք են ալկանտարան, նապպան եւ պոպոքի ծառի արմատ:
Ավտոմեքենաների արժեքը դեռեւս չի հայտարարվում:
Like
OK
