Ժնեւում կայանալիք առաջիկա մոտորշոուին, որը կկայանա ընթացիկ տարվա մարտի 3-ից 13-ը, SsangYong ընկերությունը կներկայացնի SUT 1 կոնցեպտ պիկապը: Այս մասին հաղորդում է Autoblog ցանցային պարբերականը, որի տրամադրության տակ են հայտնվել այդ ավտոմեքենայի առաջին պատկերները:
Նորույթը կկառուցվի Actyon Sports պիկապի պլատֆորմի վրա, ընդ որում նրա սերիական տարբերակը, ինչպես սպասվում է, հաջորդ տարի կփոխարինի այդ մոդելը հարավկորեական արտադրողի մոդելային գամմայում: SsangYong SUT 1-ի գաբարիտային երկարությունը կկազմի 4985 միլիմետր, իսկ լայնությունը` 1910 միլիմետր, ինչը համապատասխանաբար 20 եւ 10 միլիմետրով շատ է, քան Actyon Sports պիկապի մոտ: Երկու ավտոմեքենաների բարձրությունը եւ անիվային բազան նույնն են` 1755 եւ 3060 միլիմետր համապատասխանաբար:
SsangYong-ի նոր պիկապը կստանա երկլիտրանոց տուրբոդիզել` 155 ձիաուժ հզորությամբ, որը բավարարում է "Եվրո-5" էկոլոգիական նորմերը: Շարժիչը կաշխատի 6-աստիճան մեխանիկական կամ ավտոմատ փոխանցման տուփով: Բացի այդ, սերիական ավտոմեքենան մատչելի կլինի ինչպես առջեւի քարշակով, այնպես էլ լիաքարշակ տարբերակով:
Like
OK
