Չիկագոյի ավտոսրահում Hyundai ընկերությունը ցուցադրել է 2012 թվականի նորացված Genesis-ը: Հարավկորեական մակնիշի դրոշակակիր մոդելը փոքր-ինչ “թարմացրել” են. մոդիֆիկացվել են բամպերը եւ ռադիատորի ցանցը, լայնացվել են անիվային կամարները, բացի այդ ավտոմեքենան ստացել է նոր օպտիկա առջեւից եւ ետեւից` ցերեկային լույսի մոդայիկ լուսադիոդային լուսարձակներով:
ԱՄՆ շուկայում Hyundai Genesis 2012-ը ներկայացված կլինի 3 տիպի բենզինային շարժիչներով` 3,8-լիտրանոց V6 (333 ձիաուժ), 4,6-լիտրանոց V8 (385 ձիաուժ) եւ վերջապես 5-լիտրանոց V8, որը զարգացնում է մինչեւ 429 ձիաուժ հզորություն եւ մինչեւ 509 Նմ պտտեցնող պահ եւ որը մատչելի միայն թոփային R-Spec տարբերակում: Բոլոր տարբերակները կոմպլեկտավորվում են 8-աստիճան ավտոմատ տրանսմիսիայով: ԱՄՆ-ում նորույթի վաճառքները կսկսվեն 2011 թվականի կեսերին:
Like
OK
