Kia ընկերությունը պաշտոնապես ներկայացրել է հաջորդ սերնդի Rio հեթչբեքը: Ավտոմեքենայի համաշխարհային պրեմիերան կկայանա մարտ ամսին Ժնեւում: Կախված շուկայից, նորույթը մատչելի կլինի թափքի երեք տարբերակով` 3-, 4- եւ 5-դռնանի: Ընդ որում, սկզբից վաճառքում կհայտնվի միայն 5-դռնանի տարբերակը, իսկ 3-դռնանի տարբերակը կհայտնվի դեկտեմբերին: Հենց այդ տարբերակն էլ, ինչպես սպասվում է, հիմք կդառնա «ուժեղացված» մոդիֆիկացիայի համար, որի մեկնարկը նախատեսված է 2012 թվականի կեսերին:
Նորույթի գաբարիտային երկարությունն ավելացել է 55 միլիմետրով (մինչեւ 4295 մմ), լայնությունն աճել է 25 միլիմետրով (մինչեւ 1720 մմ), իսկ բարձրությունը նվազել է 15 մմ-ով (մինչեւ 1455 մմ): Անիվային բազայի չափն այժմ կազմում է 2570 մմ, ինչը 70 մմ-ով շատ է, քան նախորդողի մոտ: Kia Rio-ի հեթչբեքի բեռնախցիկի ծավալը կազմում է 292 լիտր, իսկ սեդանինը` 390 լիտր:
Kia Rio ընտանիքի հաջորդ սերնդի ավտոմեքենաներն առաջարկվելու են 6 շարժիչներով` սկսած 1,1-լիտրանոց տուրբոդիզելից` 70 ձիաուժ հզորությամբ, որը մատչելի կլինի միայն Եվրոպայի համար, եւ վերջացած 140-ուժանոց բենզինային շարժիչով` 1,6 լիտր ծավալով:
Բացի Rio-ից, Ժնեւի մոտորշոուին կներկայացնեն նաեւ նոր սերինդի Picanto մոդելւ եի Optima հիբրիդը, որի վաճառքները Եվրոպայում նախատեսվում է սկսել արդեն այս տարի:
Like
OK
