Volkswagen ընկերությունը հաղորդագրություն է տարածել ռեսթայլինգի ենթարկված Tiguan քրոսովերի մասին, որը լայն հասարակությանը կներկայացնեն Ժնեւի մոտորշոուին ընթացիկ տարվա մարտին:
Ավտոմեքենան առաջարկվելու է 7 շարժիչներով, որոնցից երեքն ավտոմեքենան կստանա առաջին անգամ, ինչպես նաեւ լրացուցիչ սարքավորումների նոր ցուցակով, ներառյալ XDS միջանիվային արգելափակման էլեկտրոնային իմիտացիան, վարորդի հոգնածության որոշման համակարգը եւ հոծ գծի ակամա հատման վերաբերյալ նախազգուշացման համակարգը:
Volkswagen-ը դեռեւս չի հրապարակել շարժիչների հստակ ցանկը: Խոսելով ագրեգատների մասին, VW-ում միայն նշել են, որ դրանցից չորսը կլինեն բենզինային “չորսնյակներ”, որոնք կզարգացնեն 122-ից 210 ձիաուժ: Դիզելային շարժիչները կզարգացնեն 110-ից 170 ձիաուժ: Այս շարժիչների մեջ նորը միայն 210-ուժանոց երկլիտրանոց բենզինային տուրբոշարժիչն է:
Նորացված քրոսովերը գաղտնազերծվել է փետրվարի 4-ին: Նույն օրը սկսվեցին նաեւ Տիգուանի եվրոպական վաճառքները, չնայած որ ավտոմեքենայի պրեմիերան կկայանա մարտին: Ավտոմեքենայի արժեքը չի փոխվի եւ կկազմի 24 հազար 175 եվրո բազային տարբերակի համար:
Like
OK
