BMW ընկերությունը տարածել է նոր 6-Series կուպեի պաշտոնական մանրամասները եւ լուսանկարները: Այդ ավտոմեքենայի շնորհանդեսը կանցկացվի Շանհայի ավտոսրահում, իսկ Եվրոպայում նորույթը վաճառքում կհայտնվի աշնանը:
Նախորդողի հետ համեմատությամբ, նոր կուպեն ստացել է 75 միլիմետրով երկարացված անիվային բազա (2855 միլիմետր), իսկ նրա գաբարիտային երկարությունն ավելացել է նույն 75 միլիմետրով: Գումարած, BMW 6-Series Coupe-ն լայնացել է 39 միլիմետրով եւ միաժամանակ կարճացել 5 միլիմետրով: Բեռնախցիկի չափը` 460 լիտր:
Ինչպես եւ նախկինում ներկայացված կաբրիոլետը, վաճառքների սկզբում 6-Series կուպեն մատչելի կլինի երկու բենզինային շարժիչներով: Դա երեքլիտրանոց շարային վեցնյակն է, որը զարգացնում է 320 ձիաուժ հզորություն եւ 450 Նմ պտտեցնող պահ, որը զրոյից մինչեւ 100 կմ/ժ արագություն է զարգացնում 5,4 վայրկյանում: Այդ ավտոմեքենան կստանա BMW 640i ինդեքսը:
Կուպեի թոփային մոդիֆիկացիան կստանա 6-մխոցանի տուրբոշարժիչ` 4,4 լիտր ծավալով, որը կզարգացնի 407 ձիաուժ եւ 600 Նմ պտտեցնող պահ: Զրոյից մինչեւ հարյուր կմ/շ արագություն ավտոմեքենան կզարգացնի 4,9 վայրկյանում, իսկ առավելագույն արագաությունը կկազմի 250 կմ/ժ:
Like
OK
