Երեւանի Ճանապարհային ոստիկանության պետ Արսեն Արշակյանի պաշտոնից ազատման պատճառները շարունակում են անհայտ մնալ:
Ճանապարհային ոստիկանության Մեդիամաքս-ի աղբյուրների փոխանցմամբ, Արշակյանի ազատման եւ կադրերի տրամադրության տակ անցնելու մասին լուրը անակնկալ է եղել ՃՈ աշխատակիցների համար: Ինքը Արսեն Արշակյանն այսօր «Չորրորդ ինքնիշխանություն» թերթին ասել է, որ տեղյակ չէ Ոստիկանության պետի որոշման պատճառներին:
Մեդիամաքս-ը հիշեցնում է, որ մարտի 14-ին ՀՀ նախագահ Սերժ Սարգսյանը մասնակցել էր ՀՀ ոստիկանության կոլեգիայի նիստին եւ քննադատել Ճանապարհային ոստիկանության աշխատանքը:
«Մենք շատ հաճախ ենք անդրադառնում ճանապարհային ոստիկանության խնդիրներին, որոշ դեպքերում արձանագրում ենք փոփոխություններ, հետո ժամանակի ընթացքում դիտարկում հետընթաց: Սա, կարծես, սովորական է դարձել», - նշել էր ՀՀ նախագահը:
Like
OK
