Շանհայի ավտոսրահում ապրիլին կկայանա Mercedes-Benz-ի A-դասի նորացված կոնցեպտի համաշխարհային պրեմիերան: Նորույթի պաշտոնական լուսանկարներն ու բնութագրերն արդեն հրապարակվել են Daimler-ի մամլո ծառայության կողմից: Երեքդռնանի հեթչբեքը ստացել է դինամիկ, հիշվող արտաքին` F800 Style կոնցեպտի ոճով, որը բնութագրվում է թափքի սուր ծայրերով: Ուշադրություն է գրավում անսովոր ռադիատորային ցանցը` աստղային գիշերվա էֆֆեկտով, որը ձեւավորվել է սեւ ֆոնի վրա բազմաթիվ մետաղյա «կոճակներից»: Այս թեման շարունակվում է նաեւ լուսարձակների եւ անիվային դիսկերի ձեւավորման մեջ:
Կոնցեպտի սրահում խաղարկվում է ֆուտուրիստական տիեզերանավի գաղափարը օդափոխանակման անցքերի լուսավորմամբ եւ փոխանցման տուփի անսովոր բռնակով: COMAND համակարգի նոր սերունդը թույլ է տալիս կառավարել ավտոմեքենայի գործնականում բոլոր ֆունկցիաները սմարտֆոնի միջոցով:
Like
OK
