Նախորդ շաբաթ հայ ավտոմոբիլիստների համար միանգամից նշանակալի երեք իրադարձություն տեղի ունեցավ: Նախ, ուժի մեջ մտավ տրանսպորտային միջոցների տեխզննման պարզեցված կարգը: Շատ անսպասելիորեն գործադիր մարմինը հայտնաբերեց, որ այսպես կոչված տեխնիկական զննումն ընդամենը ֆորմալ մի երեւույթ է, երբ վարորդը տեխզննման կայան կոչվող կազմակերպությունից բառիս բուն իմաստով գնում է թղթի մի կտոր եւ մեկ տարով այն ամրացնում մեքենայի դիմապակուն: Ընդ որում, ոչ մեքենայի տիրոջ, ոչ բուն մեքենայի ներկայությունը այդ գործընթացին պարտադիր չէ, անհրաժեշտ են միայն տեխգրքույկը եւ անհասկանալի ծագումնաբանություն ունեցող կլորիկ գումար, որի զգալի մասը, ինչպես միայն վերջերս բացահայտեց կառավարությունը, ստվերային եւ անօրինական կերպով գնում, կուտակվում է այդ կայանատերերի գրպաններում: Նման փայլուն բացահայտման համար մեր իշխանությանը պահանջվեց ընդամենը երեք տարի: Բայց… այստեղ են ասում` լավ է ուշ, քան ավելի ուշ:
Շարունակությունը կարող եք կարդալ այստեղ:
Like
OK
