Կոմպակտ քրոսովերները, որոնք իրենց չափերով չեն գերազանցում գոլֆ-դասի չափերը, սկսում են ճանաչում ձեռք բերել ոչ միայն Եվրոպայում, այլեւ ողջ աշխարհում: Nissan Juke-ը եւ նրա նմաններն իրենց վրա են գրավում երիտասարդների ուշադրությունը, որոնք ժամանակ են անցկացնում ոչ միայն քաղաքում, այլեւ սիրում են գնալ քաղաքից դուրս:
Audi ընկերությունն առաջինը պրեմիում-դասում ներկայացրեց կոմպակտ քրոսովերի մոդելը, որը ստացավ Q3 անունը: Ավտոմեքենայի արտաքինը համապատասխանում է մակնիշի ներկայիս դիզայնի կուրսին` դինամիկ, բայց նաեւ բավականին պատկառելի:
Audi-ում առանձնակի հպարտանում են բեռնախցիկային մասի չափերով, որը կարող է տանանվել 460 լիտրից մինչեւ 1365 լիտր. դա իհարկե ավելի քիչ է, քան օրինակ VW Tiguan-ի մոտ, սակայն նման կոմպակտ քրոսովերի համար բավականին տպավորիչ թիվ է:
Ինչպես եւ հատուկ է պրեմիում-դասի մոդելին, Q3-ը կունենա օպցիաների երկար ցանկ, որը ընկերությունն ամբողջությամբ դեռեւս չի հրապարակում, սակայն արդեն այսօր հայտնի է, որ քրոսովերը կստանա նոր սերնդի ադապտիվ լույսի համակարգ, նավիգացիոն համակարգ եւ MMI ինտերֆեյս:
Վաճառքների սկզբում Audi Q3-ը կներկայանա երեք շարժիչներով` մեկ տուրբոդիզելով եւ երկու բենզինային տուրբոշարժիչներով: Նրանց հզորությունը տատանվում է 140-ից մինչեւ 211 ձիաուժ, ինչը քրոսովերի թեթեւ քաշի հետ (1500 կգ) խոստանում է լավ դինամիկ բնութագրեր: Ընդ որում Audi-ում խոսում են նաեւ նախանձելի տնտեսելիության մասին. 140-ուժանոց երկուլիտրանոց տուրբոդիզելի առջեւի քարշակային տարբերակը ծախսում է ընդամենը 5,2 լիտր դիզելային վառելանյութ 100 կմ համար:
Նորույթի վաճառքները մեկնարկում են այս տարվա հունիսին: Գերմանիայում Audi Q3-ի բազային տարբերակը կարժենա 29 900 եվրո:
Like
OK
