Հայաստանում ընդունվել է վարորդական իրավունքի տրամադրման նոր կարգ:
Ինչպես հաղորդում է Մեդիամաքսը, այսօր կառավարությունում ներկայացնելով նոր կարգը` ՀՀ ոստիկանապետ Ալիկ Սարգսյանը նշել է, որ այն կբացառի «կոռուպցիոն ռիսկերն ու բյուրոկրատական քաշքշուկը»:
Վարորդական իրավունք ստանալու համար այլեւս հարկավոր չէ ներկայացնել բժշկական տեղեկանք վարորդի հոգեկան առողջության մասին: Դրա փոխարեն ամիսը 2 անգամ ոստիկանությունը ՀՀ առողջապահության նախարարության բազայից տվյալներ է ստանալու թմրամիջոցային կախվածություն ունեցող կամ հոգեպես անհավասարակշռված անձանց մասին:
Բացի այդ, ասել է ոստիկանապետը, այսուհետ վարորդական իրավունք ստանալու համար հատուկ ուսուցումը պարտադիր չէ: «Վարորդական իրավունք ստանալու համար կարող են դիմել բոլոր ցանկացողները, ովքեր գիտեն վարել, նրանք պետք է միայն քննություն հանձնեն»,- ասել է Ալիկ Սարգսյանը:
Like
OK
