ՆԻՍՍԱՆ-ը պաշտոնապես գործարկեց կորպորատիվ նոր կայքը Հայաստանում

ՆԻՍՍԱՆ մակնիշի հայաստանյան պաշտոնական ներկայացուցիչ` “Մուրան” ընկերությունը միացել է ճապոնական այս ավտոարտադրողի կողմից մշակված ինտերակտիվ CORE համակարգին, ինչն է՛լ ավելի արդյունավետ ու հետաքրքիր կդարձնի ընկերության կայքի աշխատանքը:

2011 թ.  ապրիլի 13-ից գործարկվեց նոր www.nissan.am հայերեն և անգլերեն վեբ կայքը, որտեղ այցելուները կարող են ծանոթանալ մակնիշի ողջ տեսականուն, ինչպես նաև առցանց ռեժիմում գրանցվել թեստ-դրայվի, գնային առաջարկ պահանջել դիլերից կամ բեռնել էլեկտրոնային բրոշյուրներ յուրաքանչյուր մոդելի համար:

Ներկայումս դժվար է պատկերացնել հասարակությանը ներկայանալու և դրա հետ հաղորդակցվելու  առավել օպտիմալ, արագ ու մատչելի միջոց, քան ինտերնետային կայքն է: CORE (Customer online request engine) համակարգը թույլ կտա այդ շփումը դարձնել ավելի արդյունավետ: Դրա աշխատացումից հետո www.nissan.am կայքի այցելուները հնարավորություն կստանան առավել մանրակրկիտ ծանոթանալու ՆԻՍՍԱՆ ավտոմեքենաների մոդելային շարքին, ընտրելու տարատեսակ հավելամասեր, ինտերակտիվ լուծումների շնորհիվ շփվելու միմյանց  հետ, անընդհատ տեղեկանալու ՆԻՍՍԱՆ-ին առնչվող տեղական և համաշխարհային նորություններին:

“Մուրան” ընկերությունում վստահ են, որ այս ժամանակակից համակարգի գործարկումից հետո, որին միացել կամ  մոտ ապագայում միանալու են նաև ՆԻՍՍԱՆ-ի բոլոր դիլերները գրեթե ողջ աշխարհով մեկ, թույլ կտա նորովի ներկայանալ հայաստանյան հաճախորդներին, խնայել նրանց ժամանակն ավոտմեքենա ընտրելուց և պարզապես հաճելի պահեր պարգևել նրանց: