Ապրիլի 21-ին, ժամը 19:00-ին «SUZUKI» ավտոմեքենաների պաշտոնական ներկայացուցիչ «Ռոյալ Մոթորս» ընկերության նոր ցուցասրահում կկայանա «SUZUKI SWIFT» ավտոմեքենայի շնորհանդեսը:
Ինչպես Auto.am-ին հայտնեցին «Ռոյալ Մոթորս» ընկերությունում, ճապոնական ոճով կազմակերպված շնորհանդեսին ուղեկցելու են ճապոնական երաժշտությունը, ինքնատիպ ֆուրշետային մասը, մեծ ու համեղ ավտոմեքենա-տորթը և իհարկե ճապոնական մշակույթի անբաժան մաս հանդիսացող թեյախմությունը: Միջոցառման ընթացքում մասնակիցները կարող են իրականացնել թեսթ դրայվինգ «SUZUKI SWIFT» ավտոմեքենաներով: Միջոցառումը կվարի հայտնի հաղորդավար Եգոր Գլումովը:
Շնորհանդեսն իր ներկայությամբ պատվելու է «MAGYAR SUZUKI CORPORATION» ընկերության նախագահ պրն. Տակեուչին: Շնորհանդեսին հրավիրված են բարձրաստիճան պաշտոնյաններ՝ Երեւանի քաղաքապետ Կարեն Կարապետյանը, ՀՀ նախագահի աշխատակազմի ղեկավար Կարեն Կարապետյանը, ՀՀ Էկոնոմիկայի նախարար Տիգրան Դավթյանը, ՀՀ Գյուղատնտեսության նախարար Սերգո Կարապետյանը և այլոք, գործարարներ՝ «ՎիվաՍել–ՄՏՍ» ընկերության գլխավոր տնօրեն Ռայֆ Յիրիկյանը, «Օրանժ Արմենիա» գլխավոր տնօրեն Բրունո Դյութուան, «Արմենտել» ՓԲԸ գլխավոր տնօրեն Իգոր Կլինկոն և այլոք, դեսպաններ, հյուպատոսներ, հասարակական և մշակութային գործիչներ:
Like
OK
