Շանհայի ավտոսրահում մեկնարկել է KIA-ի նոր բյուջետային սեդանը` K2: B-դասի ոչ մեծ սեդանը պատրաստված է Hyundai Accent/Solaris-ի հետ նույն պլատֆորմի վրա. նրա երկարությունը կազմում է 4370 մմ, լայնությունը` 1700 մմ, բարձրությունը` 1600 մմ:
Չնայած Hyundai Accent-ի հետ ընդհանուր պլատֆորմին եւ թափքի շատ տարրերին, KIA K2-ը բակավակին ճանաչելի դիզայն ունի: Առջեւի մասը մշակված է մակնիշի ներկայիս մոդելների ոգով, որոնք ստեղծվել են Պետեր Շրայերի գլխավորությամբ. ֆիրմային ռադիատորային ցանց, թեւերի վրա դուրս եկող լուսարձակներ, հզոր բամպեր` հակամառախուղային լույսերով, որոնք իրենց տեսքով բումերանգ են հիշեցնում:
KIA K2 սեդանը կունենա բենզինային շարժիչներ. 1,4 լիտրանոց` 107 ձիաուժ հզորությամբ եւ 1,6 լիտրանոց` 123 ձիաուժ հզորությամբ: Բազային տարբերակը կստանա 5-աստիճան «մեխանիկա», իսկ լրացուցիչ գումարի դեպքում կարելի է պատվիրել նաեւ «ավտոմատ»:
KIA K2-ը կսկսեն հավաքել չնական Dongfeng գործարանում այս ամռանը: Տարեվերջին ավտոմեքենայի արտադրությունը կսկսվի նաեւ Ռուսաստանում:
Like
OK
