“Ճապոնիայում ընդունված չէ ուշանալ”, – ապրիլի 21-ին ասաց Եգոր Գլումովը եւ ուղիղ 19:15-ին ազդարարեց “Suzuki Swift” ավտոմեքենայի շնորհանդեսի սկիզբը, որը կայացավ հայտնի ճապոնական բրենդի հայաստանյան ներկայացուցիչ “Ռոյալ Մոթորս” ընկերության նոր ցուցասրահում: Այս մեքենան ստեղծվել է Ճապոնիայում, արտադրվել է Հունգարիայում, իսկ այսօր արդեն Հայաստանում է:
Շնորհանդեսի բացման արարողությանը ներկա էին բազմաթիվ քաղաքական, հասարակական, մշակութային գործիչներ, գործարարներ, դիվանագետներ եւ լրագրողներ:
“Magyar Suzuki Corporation” ընկերության նախագահ Հիսաշի Տակեուչին շնորհանդեսի բացմանը նշեց, որ ուրախ է ներկայացնել ավտոմեքենան Հայաստանում, ինչպես նաեւ հույս հայտնեց, որ այն մեծ պահանջարկ կունենա այստեղ: “Մեկ օրում շատ մեծ վաճառքներ չենք ակնկալում Հայաստանում, դա ժամանակի խնդիր է: Համոզված եմ, որ ավտոմեքենա ձեռք բերելու պահանջարկը կաճի շուկայում: Այս ավտոմեքենան նախանշված է 20-ից 40 տարիքային խմբի համար”,- ասաց նա:
“Ռոյալ Մոթորս” ընկերության գլխավոր տնօրեն Միսակ Սարգսյանն էլ նշեց, որ “Suzuki-Swift”-ը ցածր գին ունի իր դասի մեքենաների հետ համեմատ:
Շնորհանդեսը կազմակերպված էր ճապոնական ոճով` երաժշտություն, ֆուրշետ, թեյախմություն, գեյշաներ: Ֆուրշետի անբաժան մասն էր կազմում արծաթագույն ավտոմեքենա-տորթը:): Կիմանոներով աղջիկները հանեցին “Suzuki-Swift” ավտոմեքենան թաքցնող սավանը, իսկ հավաքվածները ծափողջյուններով ընդունեցին մեքենան:
Շնորհանդեսի ամենահետաքրքիր մասերից մեկն այն էր, որ բոլոր ցանկացողները կարող էին տեստ-դրայվ անցկացնել, այսինքն` վարել ավտոմեքենան հենց ցուցասրահում: Ի դեպ, ավտոմեքենան առավել գրավեց գեղեցիկ սեռի ներկայացուցիչների ուշադրությունը :
Like
OK
