G-դասի Mercedes-Benz-ն արդեն վաղուց լեգենդ է դարձել: Անկյունավոր ամենագնացը սիրված է եղել իր գոյության ողջ ընթացքում: Այն եղել է նաեւ “բանդիտական” ավտոմեքենա, ինչպես նաեւ ագրեգատ` արտաճանապարհային երթեւեկության սիրահարների համար: Այնուամենայնիվ, անվտանգության մեծացած պահանջների պատճառով (առաջին հերթին, վրաերթի հետեւանքով հետիոտներին հասցված վնասվածքների մասով) Mercedes-Benz-ը պատրաստվում է արտադրությունից հանել այս մոդելը:
Սակայն գերմանացիները ցանկացան շրխկացնել դուռը եւ ներկայացրին ամենագնացի 3-դռնանի Final Edition տարբերակը: Այդ կոմպլեկտավորման ամենագնացը մատչելի կլինի երկու տարբերակներով` G350 6-մխոցանի BlueTEC տուրբոդիզելով` 211 ձիաուժ հզորությամբ եւ գերհզոր տարբերակով` 5,5 լ բենզինային շարժիչով 388 ձիաուժ հզորությամբ (առավելագույն պտտեցնող պահն այստեղ հավասար է 530 Նմ): Երկու տարբերակներն էլ կունենան 7-աստիճան 7G-TRONIC ավտոմատ, կայունացման համակարգեր, թրեքին-քոնթրոլ եւ արգելափակվող դիֆֆերենցիալ:
Արտաքինից BA3 Final Edition տարբերակը հեշտ է ճանաչել 18-դյույմանի դյուրահալ դիսկերով` AMG 265/60 անվահեծերով, լուսարձակների խրոմապատ մշակմամբ, մետալիկ գույնի: Բացի այդ, այս հատուկ տարբերակը կունենա ապակե առաստաղ եւ կարբոնե դետալներ թափքի վրա:
Եվրոպական շուկայում Meredes-Benz G-Class BA3 Final Edition-ի գները սկսվում են 90 հազար եվրոյից G350 տարբերակի համար: Բենզինային շարժիչով G500-ը փոքր-ինչ թանկ է. Նրա արժեքը կազմում է 100 000 եվրո:
Like
OK
