Ամռանը Mercedes-ի դիլերների ավտոսրահներում պետք է հայտնվի Audi A5-ի ուղիղ մրցակիցը: Խոսքը գնում է C-Class Coupe-ի` երկար սպասված նորույթի մասին, որն առաջին անգամ ներկայացվել է Ժնեւի ավտոսրահում: Միաժամանակ կսկսվեն նորացված SLK ռոդսթերի վաճառքները:
А5-ի “վերացնողի” մասին շատ են խոսել: Մինչեւ C-դասի կուպեի հայտնվելը գերմանական ավտոարտադրողն, ըստ էության, ոչինչ չէր կարող հակադրել Audi-ի եւ BMW-ի իր հայրենակիցներին: Եվ ահա դա տեղի ունեցավ. մոտ ժամանակներս նորույթը կներկայացվի Սանկտ-Պետերբուրգի միջազգային տնտեսական ֆորումում:
Ավտոմեքենան կառաջարկվի երկու բենզինային շարժիչների տարբերակներով (նույն ծավալի, բայց տարբեր հզորությունների` 156 եւ 204 ձիաուժ) եւ մեկ տուրբոդիզելային շարժիչով (2,2 լիտր, 170 ձիաուժ).
SLK ռոդսթերի նոր սերունդը մատչելի կլինի երեք տարբերակներով` SLK 200, 250 եւ 350: Առաջին երկուսը կունենան 1,8-լիտրանոց շարժիչներ` 184 եւ 204 ձիաուժ հզորությամբ: SLK 350-ը շատ ավելի լուրջ մեքենա է, նրա 3,5 լիտրանոց շարժիչը զարգացնում է 306 ձիաուժ:
Like
OK
