Ճանապարհա-տրանսպորտային պատահարում հետիոտնի մեղքի առկայությունը չի կարող հիմք համարվել նրան պատճառված անձնական վնասների հատուցումը մերժելու համար:
Սա է այսօր Կենտրոնական բանկի խորհրդի կողմից գրանցված Հայաստանի ավտոապահովագրողների Բյուրոյի խորհրդի կողմից «ԱՊՊԱ ոլորտում ապահովագրական ընկերությունների կողմից ապահովագրական հատուցումների վճարման» կանոններում կատարված փոփոխության էությունը:
Կանոնների փոփոխությունը միտված է ճանապարհատրանսպորտային պատահարի արդյունքում հետիոտների շահերի պաշտպանությանը եւ նպաստելու է համակարգի առավել արդարացի լինելուն, Մեդիամաքս-ին ասացին ԿԲ-ում:
Կանոնների լրամշակված տարբերակը տեղադրված է Բյուրոյի պաշտոնական ինտերնետային կայքում եւ ուժի մեջ կմտնի ս. թ. հունիսի 17-ին:
Like
OK
