Սանկտ-Պետերբուրգում սկսվել է Ռուսաստանում Ё-մոբիլների արտադրության առաջին գործարանը: Գործարանը գտնվում է Ստրելնայից ոչ հեռու, իսկ արտադրության սկիզբը նածատեսված է հաջորդ տարվա վերջին (արտադրության տարեկան ծավալն առաջին փուլում` 45 000 ավտոմեքենա): Ընդ որում, պարզ է, որ շուտով Ռուսաստանում կլինեն մի քանի ё-գործարաններ: «Օգոստոս-սեպտեմբեր ամիսներին մենք կուսումնասիրենք ավտոմեքենայի համար տրված հայտերի վերջնական հաշվարկները եւ միայն դրանից հետո որոշում կընդունենք երկրորդ եւ երրորդ գործարանների վերաբերյալ», – հայտարարել է ձեռնարկության գլխավոր տնօրեն Անդրեն Բիրյուկովը:
Հայտնի է դարձել նաեւ առաջին սերիական մոդելը: Դա կլինի ոչ թե հեթչբեքը, ինչպես շատերը սպասում էին, այլ քրոսովեր: «Կարծում եմ, որ հաջորդ մոդելի վերաբերյալ որոշումը, մենք կընդունենք առաջին մոդելի թողարկումից 6-8 ամիս անց», – ավելացրել է Բիրյուկովը:
Ճիշտ է, սկզբից Ё-մոբիլներն ամենեւին այդքան ինովացիոն չեն լինի, ինչպես նախկինում ասում էր Միխայիլ Պրոխորովը: Ավտոմեքենաները կունենան «դասական» շարժիչներ, եւ միայն հետո կհայտնվեն նորաոճ հիբրիդային ուժային ագրեգատները:
Like
OK
