Infiniti-ի դիզայնը դեռ մի քանի տարի առաջ հեղափոխական եւ նույնիսկ տարօրինակ էր թվում: Առաջին համարձակներն ավտոմեքենան բերում էին ԱՄՆ-ից` նույնիսկ մինչեւ պաշտոնական վաճառքների մեկնարկը: Այսօր փողոցներում այս մեքենան արդեն սովորական է դարձել: Սակայն Nissan-ի պրեմիում ստորաբաժանումը չի թողնում ձանձրանալ իր երկրպագուներին եւ պատրաստում է բոլորովին նոր մոդել, որը կստանա JX ինդեքսը:
Այս ծրագրերի ամենահամոզիչ ապացույցը դարձան ԱՄՆ-ում արված լրտեսական լուսանկարները, որոնց վրա պատկերված է նորույթի քողարկված նախատիպը: Ամենայն հավանականությամբ, ինժեներները սկսել են ակտիվորեն փորձարկել Infiniti ընտանիքի ապագա մոդելը:
Իսկ թե ինչ տեղ կզբաղեցնի նոր JX-ը մոդելային շարքում, դեռ հայտնի չէ: Լուսնակարներում քողի տակ կարծես թե թաքնված է ինչ-որ միջին բան քրոսովերի, ամենագնացի եւ մինիվենի միջեւ:
Ավտոմեքենան 7-տեղանոց կլինի: Հայտնի է, որ դիզայնի էլեմենտները Infiniti JX-ը կփոխառի սերիական EX-ից եւ Etherea կոնցեպտից: Ոչ մի պաշտոնական մանրամասն դեռեւս չի հաղորդվում, սակայն ընկերության մամլո ծառայությունն ակնարկում է, որ JX-ը կարող է պարծենալ հիանալի ինտերյերով, ուղեւորների համար բացառիկ հարմարավետությամբ, երրորդ շարքի նստատեղերի հեշտ հասանելիությամբ եւ նորագույն տեխնոլոգիաներով, այդ թվում ` նոր սերնդի տեղեկատվակական համակարգով:
Ի դեպ, հնարավոր է, որ հենց Etherea կոնցեպտի օրինակով էլ կարելի է դատել նոր JX-ի արտաքին տեսքի մասին: Հիշեցնենք, որ Ժնեւի ավտոսրահում ավտոմեքենայի շնորհանդեսի ժամանակ ընկերության փոխնախագահ Տորու Սայտոն հայտարարեց, որ նորույթն իր մեջ համադրելու է կուպեի, սեդանի, հեթչբեքի եւ քրոսովերի բնորոշ գծերը: Առավել եւս, որ մակնիշի նոր դիզայներական լեզվի միտումներն ակնհայտ են. դրանք նշմարվում են Etherea-ի, եւ ավելի վաղ մոդել Essense-ի մոտ:
Ներկայումս Infiniti-ի շարքում կան EX քրոսովերը եւ ավելի խոշոր FX-ը` հինգտեղանոց երկշարք ավտոմեքենաներ: Ամենայն հավանականությամբ, JX-ն ավելի խոշոր կլինի, քան FX-ը, եւ մեկ աստիճան բարձր տեղ կզբաղեցնի: Կա նաեւ 7-տեղանոց QX` իրապես հսկա ամենագնաց: Վերջերս QX56-ը ենթարկվեց ռեսթայլինգի:
Նոր Infiniti JX-ը հանրությանը կներկայացվի Pebble Beach Concours d’Elegance ավտոցուցահանդեսում` կոնցեպտի տեսքով, իսկ սերիական մոդելը կցուցադրեն Լոս Անջելեսի ավտոսրահում 2012 թվականի գարնանը: Պրեմիերային կհաջորդեն ավտոմեքենայի վաճառքները:
Like
OK
