Երեւան: Մեդիամաքս: Ավտոտրանսպորտային միջոցներ ունեցող բոլոր այն քաղաքացիները, ովքեր մինչ այժմ ԱՊՊԱ պայմանագրեր չեն կնքել, մինչեւ ս.թ. հուլիսի 1-ը ավտոտրանսպորտային միջոցները հաշվառումից ժամանակավոր հանելու դեպքում չեն վճարի ԱՊՊԱ պայմանագիր չունենալու համար սահմանված տուգանքները:
Ինչպես հաղորդում է Մեդիամաքս-ը, այդ մասին ասվում է Ճանապարհային ոստիկանության եւ Հայաստանի ավտոապահովագրողների բյուրոյի այսօր տարածած համատեղ հայտարարության մեջ:
ՀՀ Կառավարության 2011 թվականի ապրիլի 21-ի որոշման համաձայն մինչև 2011 թվականի հուլիսի 1-ը տրանսպորտային միջոցը հաշվառումից ժամանակավոր հանելու դիմում ներկայացվելու դեպքում տրանսպորտային միջոցը հաշվառումից ժամանակավոր հանված է համարվում 2011 թվականի հունվարի 1-ից:
Ավտոտրանսպորտային միջոցները հաշվառումից ժամանա¬կավոր հանելու ու հաշվառումը վերականգնելու գործընթացներն անվճար են:
Like
OK
