ՀՀ տրանսպորտի եւ կապի նախարարությունը հուլիսի 1-ից կսկսի 20-ից ավելի վթարային ճանապարհների եւ տրանսպորտային օբյեկտների վերանորոգման աշխատանքները:
Ինչպես Մեդիամաքս-ին տեղեկացրել է ՀՀ տրանսպորտի եւ կապի նախարարության մամուլի ծառայությունում, Երեւան-Երասխ-Գորիս-Իրանի սահման միջպետական ավտոճանապարհի Ելփին-Չիվա հատվածում գարնանային առատ տեղումների հետեւանքով առաջացած փլվածքի վերանորոգման նախագծման աշխատանքներն արդեն իսկ ավարտվել են: Նախագծման աշխատանքներին զուգահեռ երկու ողղությամբ ապահովվել է մայրուղու անցանելիությունը:
Իսկ Երեւան-Երասխ-Գորիս-Մեղրի-Իրանի սահման միջպետական նշանակության ավտոճանապարհի 365 կմ-ում փլվածքի հետեւանքների վերացման նպատակով ճանապարհի վերանորոգման նախագծման աշխատանքները կավարտվեն հունիսի 27-ին:
Like
OK
