Անելիք Բանկ. «Մեր վարկային տոկոսադրույքները լիովին թափանցիկ են»

Անելիք Բանկ-ի վարկավորման վարչության պետ  Հայկ Գրիգորյանի  հարցազրույցը Մեդիամաքսին

- Հաշվի առնելով բանկի ակտիվացումը ավտովարկավորման շուկայում, կարելի է ենթադրել, որ առաջնային շուկայից ավտոմեքենա գնելու առումով ձեր կողմից հաստատվել են գործընկերային հարաբերություններ պաշտոնական ավտոդիլերների հետ: Ու՞մ հետ եք հասցրել պայմանավորվածություններ ձեռք բերել: Կցանկանայի իմանալ նաեւ բանկի դիրքորոշումը շարժական գույքի կադաստրի ներդրման հեռանկարի վերաբերյալ:

- Կցանկանայի ընդգծել, որ բանկի կողմից տրամադրվող ավտովարկի համար կոնկրետ ավտոդիլերի հետ համագործակցության պայմանագրի առկայությունը պարտադիր պայման չի հանդիսանում: Մենք մշակել ենք ծառայության տրամադրման այնպիսի սխեմա, որը հնարավորություն է ընձեռում գործարքի բոլոր կողմերին (բանկ-հաճախորդ-ավտոդիլեր) ազատ գործել, կախված չլինել մյուս կողմից: Այդ սխեման աշխատում է բավականին արդյունավետ:

Դրա հետ մեկ տեղ, բնականաբար, մենք ունենք պայմանագրեր ավտոդիլերների հետ, որոնց թիվն աճում է եւ որոնք ներկայացնում են Հայաստանում ավտոմեքենաների այնպիսի մակնիշներ, ինչպիսիք են` Mazda, Suzuki, Subaru, Kia, Nissan, Renault, Peugeot, BYD եւ այլն:

Շարժական գույքի կադաստրի ներդրման վերաբերյալ բանկի կարծիքը միանշանակ դրական է: Այն հնարավորություն է ընձեռում ունենալ ավելի հստակ համակարգում եւ հաշվառում: Դա եւս մեկ գործիք է, ուղղված ռիսկերի նվազեցմանը, ինչն անչափ կարեւոր է:

Շարունակությունը կարդացեք այստեղ: