Գերմանական ընկերության մոդելային շարքը կհամալրի նորույթ, որը կոչված է մրցել Porsche Cayman-ի եւ Audi TT RS-ի հետ: Կուպեն կհիմնվի 2-րդ սերիայի BMW-ի նոր պլատֆորմի վրա, որը կթողարկվի 2014 թվականին: Ավտոմեքենան իր հզորություններով մոտ կլինի BMW 1 M-ին սակայն կստանա բոլորովին այլ թեթեւացված թափք արտաքին կարբոնե պանելներով, փոխանցման ռոբոտիզացված տուփ եւ արգելակներ М3-ից: Պատրաստվող մոդելի մասին առաջին տեղեկատվությունը М ստորաբաժանման աշխատակիցներից կորզել են բրիտանական AutoExpress պարբերականի լրագրողները: Նկարների վրա այդ ամսագրի դիզայներների ֆանտազիաներն այն մասին, թե ինչպիսի տեսք կարող է ունենալ նորույթը:
Մեքենան կստանա BMW 1 M կուպեի, կամ նոր X3M սպորտային քրոսովերի շարժիչը, որը կցուցադրվի սեպտեմբերին Ֆրանկֆուրտում: Այս շարժիչը լիովին նոր մշակում է երեք տուրբիններով: Նրա հզորությւոնը, ենթադրաբար, կկազմի 355 ձիաուժ:
Like
OK
