Վարորդական վկայականներ ստանալու եւ ավտոմեքենա գրանցելու ընթացակարգերի կոռուպցիոն երեւույթներն էապես նվազել են, սակայն առաջացել է քաղաքացիների դժգոհությունը` կապված սպասարկման որակի հետ։
Ինչպես հաղորդում է Մեդիամաքս-ը, այս մասին այսօր կառավարության նիստում ասել է ՀՀ վարչապետ Տիգրան Սարգսյանը:
“Այդտեղ դեռեւս գերիշխում է ֆորմալիզմը, եւ քաղաքացիները շատ ժամանակ են ծախսում իրենց վկայականներ ստանալու համար։ Կոռուպցիոն ռիսկերը այս պահի դրությամբ միայն առնչվում են այսպես կոչված «դալալներին», որոնք հանդիսանում են միջնորդ, եւ այս երեւույթը նույնպես պետք է վերացվի։ Հանձնարարվում է ոստիկանությանն ապահովել ավտոմեքենաների գրանցման ժամանակ քաղաքացիների սպասարկումն իրականացնել կարճ ժամկետում։ Կարծում եմ, որ մոտակա 2 ամիսների ընթացքում մեքենաների գրանցումը, գրանցումից հանելը չպետք է գերազանցի 1 ժամը”, - ասել է վարչապետը:
Like
OK
