Infiniti-ն հրապարակել է իր նոր JX մոդելի առաջին պատկերը: Կոնցեպտուալ ավտոմեքենայի համաշխարհային պրեմիերան կկայանա ընթացիկ տարվա օգոստոսի 18-ին Pebble Beach Concours d’Elegance ավտոշոուին Կալիֆոռնիայում: Ինչպես հաղորդում է ընկերությունը, այս 7-տեղանոց քրոսովերն իր մեջ է ներառել FX-ի եւ Etherea կոնցեպտի ոճային գծերը եւ բավականին ագրեսիվ է ստացվել:
Մինչ այդ Infiniti-ում նշում էին, որ JX-ը կարող է պարծենալ ցնցող ինտերյերով, ուղեւորների համար բացառիկ հարմարավետությամբ, դեպի երրորդ շարքի նստատեղեր հեշտ մուտքով եւ նորագույն տեխնոլոգիաներով, այդ թվում` նոր սերնդի տեղեկատվական համակարգով:
Նոր քրոսովերի սերիական տարբերակը կմեկնարկի Լոս Անջելեսի միջազգային մոտորշոուին այս տարի, իսկ վաճառքում Infiniti JX-ը կհայտնվի 2012 թվականին:
Like
OK
