Այն բանից հետո, երբ Brabus-ը թյունինգի ենթարկեց Mercedes-Benz E-դասի սեդանը եւ կուպեն, նույն մոդելի կաբրիոլետի մշակումն ընդամենը ժամանակի հարց էր: Եվ գերմանական ատելյեն երկար չսպասեցրեց: Brabus-ի նոր ավտոմեքենան ունի 12-մխոցանի տուրբոյացված շարժիչ` 6,3լ ծավալով եւ 800 ձիաուժ հզորությամբ: Մեքենայի առավելագույն արագությունը կազմում է 370 կմ/ժ, ինչն ավտոմեքենան դարձնում է ամենաարագ չորստեղանի կաբրիոլետն աշխարհում:
Շարժիչի պտտեցնող պահն ավելացնելու համար վերածրագրավորվել էր ECU բլոկը: Արդյունքում, պտտեցնող պահն աճել է մինչեւ 1420 Նմ, սակայն ատելյեն սահմանափակել է այն էլեկտրոնիկայով` 1100 Նմ նիշի վրա:
Տեղից մինչեւ 100 կմ/ժ արագություն կաբրիոլետը զարգացնում է 3,7 վայրկյանում, մինչեւ 200 կմ/ժ` 9,9 վայրկյանում., իսկ մինչեւ 300 կմ/ժ` 23,9 վարկյանում: Լրամշակվել են ավտոմեքենայի արտանետային համակարգը եւ կախոցը:
Brabus 800 E V12-ն արդեն կարելի է պատվիրել սկսած 478 հազար եվրոյով:
Like
OK
