Հուլիսի 9-ից ուժի մեջ է մտել ավտոտեխզննության կտրոնի տրամադրման նոր կարգը, որի համաձայն տարբերակված մոտեցում է ցուցաբերվում ընդհանուր եւ ոչ ընդհանուր օգտագործման տրանսպորտային միջոցների տեխնիկական զննության գործընթացի, կտրոնների տրամադրման և հաշվառման սկզբունքներում:
Ինչպես հաղորդում է Մեդիամաքս-ը, վկայակոչելով ՀՀ ֆինանսների նախարարությանը, ոչ ընդհանուր օգտագործման տրանսպորտային միջոցների մասով պարզեցվում է տեխնիկական զննության ու կտրոնների ձեռքբերման մոտեցումը եւ ապահովվում օրենքով սահմանված միասնական սակագնային քաղաքականությունը նշված գործընթացի իրականացման ընթացքում:
Ծրագիրը սպասարկելու նպատակով 08.07.2011թ. դրությամբ ՀՀ ֆինանսների նախարարության հետ համապատասխան պայմանագրեր են կնքել՝ ՎՏԲ-Հայաստան բանկը, Ինեկոբանկը, Պրոմեթեյ Բանկը, Հայէկոնոմբանկը, Հայբիզնեսբանկը, Զարգացման Հայկական Բանկը եւ Արարատբանկը:
Տեխնիկական զննության կտրոն ստանալու համար մեքենաների տերերի կողմից բանկերին եւ տեխզննման կայաններին ներկայացվող տվյալների մասին մանրամասն կարելի է ծանոթանալ ֆինանսների նախարարության կայքում՝ http://minfin.am/main.php?lang=1&mode=news&newid=1718 հղումով:
Like
OK
