Audi-ն նորացրել է A5 ընտանիքը. սեդանը, կուպեն, կաբրիոլետը եւ ուժեղացված S5-ը ստացել են լրամշակված շարժիչներ, կատարելագործված quattro լիաքարշակ համակարգ եւ ժամանցային համակարգ: Բացի այդ, մոդելը ենթարկվել է աննշան ռեդիզայնի: Այդ թվում, փոփոխվել են դիմացի լուսարձակները եւ ետեւի լապտերները: Լուսավորությունը, կապված հաճախորդի ցանկությունից, կարող է լինել քսենոնային եւ ունենա լուսադիոդային էլեմենտներ: Սրահի հարդարման համար այժմ օգտագործվում են նոր նյութեր եւ նոր գույներ:
Audi A5 ընտանիքն ունի շարժիչների շարք, որի վառելիքի ծախսը միջինը 11%-ով քիչ է, քան մոդելի նախորդ տարբերակի մոտ: Բոլոր ավտոմեքենաներն ունեն start-stop համակարգ եւ արգելակման էներգայի վերականգնման համակարգ: Բազային կոմպլեկտացիան ստացել է 1,8լ ծավալով բենզինային շարժիչ` 170 ձիաուժ հզորությամբ, որի պտտեցնող պահը հասնում է 320 Նմ-ի: Մոդելն ունի նաեւ 2-լիտրանոց բենզինային տարբերակ` 211 ձիաուժով եւ 3-լիտրանոց տարբերակ` 272 ձիաուժով:
Շարժիչների դիզելային շարքը ներկայացված է 177 ձիաուժ հզորությամբ 2 լիտրանոց շարժիչով, 3 լիտրանոց շարժիչով (204 ձիաուժ եւ 245 ձիաուժ):
S5 շարքը կունենա 3-լիտրանոց շարժիչ` 333 ձիաուժով: Կուպեի վառելիքի միջին ծախսը կազմում է 8,1 լիտր` 100 կմ համար: Տեղից մինչեւ 100 կմ/ժ արագություն ավտոմեքենան զարգացնում է 4,9 վայրկյանում, իսկ նրա առավելագույն արագությունը սահմանափակված է 250 կմ/ժ նշանի վրա:
Առջեւի քարշակային տարբերակները կունենան 6-աստիճան մեխանիկական փոխանցման տուփ եւ վարիատոր, իսկ լիաքարշակների համար մատչելի է 7-աստիճան ավտոմատ S-tronic տրանսմիսիան:
Մոդելի սեդան թափքի բազային տարբերակի գինը սկսվում է 33 350 եվրոյից:
Like
OK
