“Վեկար” ընկերությունը, որը հանդիսանում է Chevrolet մակնիշի պաշտոնական ներկայացուցիչը Հայաստանում, շարունակում է հաճելի անակնկալներ մատուցել մեր համաքաղաքացիներին: Այս տարվա ընթացքում ընկերության կողմից ձեռնարկվող բոլոր քայլերը դիտարկվում են Chevrolet բրենդի աշխարհով մեկ իրականացվող տոնակատարությունների կտրվածքով:
Նման մի հետաքրքիր անակնկալ էր սրահում հայտնված նոր Chevrolet Camaro-ն` առասպելական մի ավտոմեքենա, որը 60-70-ականներին հանդիսանում էր շատ ավտոսիրողների երազանքը: Հզոր, սլացիկ, կարծես` ազատության ոգի սփռող, Camaro-ն հաջողությամբ վաճառվել է մինչև 2002թ. սկիզբ` սահմանելով յուրահատուկ ռեկորդ նմանատիպ մեքենաների համար: Ընդհանուր առմամբ մոտ 5 միլիոն մարդ վայելել է այս ավտոմեքենայի ղեկին գտնվելու հաճույքը:
Ներկայումս այդ երբեմնի անկատար թվացող երազանքը հասանելի է արդեն և հայաստանցիներին: Նոր Chevrolet Camaro-ն առաջարկվում է մի քանի շարժիչներով` 3.6 լ. V6 (312 ձ/ու) և 6.2 լ.V8 (405 կամ 432 ձ/ու) տարբերակներով: Բնականաբար այս ծավալի շարժիչները թույլ չեն տալիս խոսել վառելի խնայողության մասին, սակայն դրանք ապահովում են գերազանց դինամիկա: Բավական է նշել, որ ամենահզոր շարժիչը թույլ է տալիս Camaro-ին արագանալ 0-ից մինչև 100 կմ/ժ արագության ընդամենը 4.7 վայրկյանում:
Պակաս տպավորիչ չէ նաև ավտոմեքենայի ինտերյերը և դրա տեխնիկական համալրումը: Հիդրավլիկ, շարժական տելեսկոպիկ կաշեպատ ղեկի վրայից կարելի է կառավարել 6 CD/MP3 աուդիոհամակարգը, 6-աստիճան տիպտրոնիկ ավտոմատ փոխանցումատուփը, գերժամանակակից բորտ-համակարգիչը տեղեկություններ կհաղորդի ուղևորության ընթացքում բոլոր կարևոր հանգամանքների վերաբերյալ, կրուիզ-կոնտրոլը թույլ կտա չմտահոգվել վարելիս, իսկ բարձրակարգ օդորակիչն ու կլիմատ-կոնտրոլը կապահովեն կատարյալ հարմարավետություն:
Վարորդի և ուղևորների անվտանգության մասին հոգ են տանում բազում համակարգերը, իսկ սրահում նախատեսված են անվտանգության 6 բարձիկներ:
“Վեկար” ընկերությունում մեզ հայտնեցին, որ բացի ներկայացված դասկան Camaro-ից հնարավոր է ձեռք բերել նաև էլ ավելի “իկոնիկ” Chevrolet Camaro Convertible Coupe կաբրիոլետ ավտոմեքենան:
Նշված ավտոմեքենաները ներկրվում են միայն պատվերով, իսկ գինը կախված կլինի յուրաքանչյուր հաճախորդի նախասիրություններից:
Like
OK
